ازاى نخلي محمد مغربي ياخد اللقب؟؟ادخل وانت تعرف

اولا الفترة اللي جاية هي الاهم و الاخطر النومينيه كان شئ كويس من وجهة نظري في ناحية معينة و هي اننا عرفنا غلطتنا و عرفنا اننا قصرنا في حق محمد محدش يقولي صوتنا بالهبل و الكلام ده كل واحد كان واثق من نفسه وبس و في ناس بياعة كلام بتقول بصوت ومش بتصوت اولا التصويت مفيهوش تزوير لأسباب كتيرة اوي اولا المغرب عندهم عروض في التليفون و بيصوتوا بمظام و مش كلام ثانيا احنا عارفين جمهور محمد اكبر جمهور على الفيس بس مسألتوش نفسكم ان نص الجمهور ده من المغرب و الخليج و الدولتين دول وقفوا مع طاهرة طبعا الخليج وقف معاها مش عشان مش بيحبوا محمد لا عشان هما كانوا عاوزين الاتنين يرجعوا و مش هيحصل ده الا في حالة رجوع طاهرة بالتصويت ثالثا و ده الاهم السنة دي البرنامج تحت انتاج روتانا و الوليد ابن طلال حاطط رقابة على التصويت عشان ميحصلش لعب فبه و لو كانت رولا بتلعب كانت خرجت طاهرة من زمان لكن ببساطة هي حاولت تخرج طاهرة و شافت مفيش حد نافع فحطت محمد على وده السبب الوجيد لخروجهم نومينيه و المخطط منفعش لأن التصويت جه في صالح طاهرة الموضوع دلوقتي ازاي نساعد محمد يوصل للقب و متقولوش مش هياخده افتكروا نادر كان في نفس البرايم ده نومينيه مع ضياء المغربية و خسر التصويت و جمهوره من بعدها خططوا بالتنظيم و بالفعل حصل على اللقب
خطواتنا اللي جاية ::
1- تعريف عن محمد في كل المنتديات المصرية و الجروبات على الفيس بوك
2- ارسال رسائل لكل البرامج و المجلات والجرايد فيها تعريف عن محمد وقوة شعبيته
3- اللي يعرف فنانين يبعتلهم معلومات عن محمد لدعمه مديا و معنويا
4- ارسال معلومات عن محمد لشركات الاتصال عشان نحاول ناخد عروض
5- تحويش كروت اي وقت يبقى معاك فلوس اشتري كرت و شيله على جنب لو بعد 3 اسابيع مثلا هنلاقي كل واحد بقى معاه 200 جنيه صيد او حتى 100 و نقدر نزود اكتر و هنعمل توبيك كل اسبوع نشوف كل واحد حوش كروت بكام عشان نشجع بعض
6- دي اهم نقطة دي اللي ممكن تضمن المكسب بس الموضوع ده هيقوم بيه اصحاب محمد نفسهم
اولا ساعت النومينيه اصحابه يعملوا كذا بوستر و يروحوا لكل الاماكن اللي فيها اقبال زي الكافيهات و المطاعم و السينمات و الجامعات في اسكندرية كلها و يعرفوا تعريف صغير عن محمد و يطلبوا من كل واحد يصوت صوت فقط و لو عملوا ده هيلموا اصوات كتير من ناس اصلا مش متابعة لمجرد انهم بيساعدوا مصري ب3 جنيه وبس
الحكاية دي لو تولاها كمان ناس من كذا محافظة هيبقى الفوز مصمون اكتر

في النهاية مش عايز رد واحد محبط يقولي رولا بتزور و بتلم فلوسنا من الاخر مفيش تزوير التصويت عليه رقابة رولا بتظلم في الاغاني و الظهور و تقليل الشعبية لكن اللي هنختاره نجم هيكون
متقولوش شكري مدلع و كدة عشان ده اكبر دليل انه مش ستار اي حد بيدلع بيمشي بدري افتكروا قماح كان عالطول توب و مخدش اللقب افتكروا باش و ابراهيم و لارا موصلوش بلاش نحبط روحنا احنا معانا نجم بنتحسد عليه يستحق نخطط صح ليه
بجد فكرة جامد برضو معموله فى جروب مغربى الرسمى وبجد فكرة لازم نقف عندها لان فعلا هندعم بيها مغربى كتييييييير جدا وهو يستاهل ده فعلا علشان مش نغلط نفس الغلطه تانى